Würth K+D е еднокомпонентно полиуретанско лепило и заптивна маса за цврсто лепење и еластично заптивање споеви во автомобилската индустрија и градежништвото. Еластичниот спој ги компензира разликите во ширењето на споените материјали и помага да се намалат вибрациите и бучавата.
Се користи за лепење и заптивање при изработка и поправка на каросерии, како и за заптивање споеви при градежни и монтажни работи.
• Автомобилска индустрија: лепење метал и стакло, заптивање споеви и шевови на каросерии и намалување на вибрациите и бучавата
• Градежништво: заптивање споеви меѓу градежни елементи, монтажа на алуминиумски, ПВЦ и дрвени рамки и поставување покривни ќерамиди
• Подлоги: бетон и други материјали на база на цемент, тула, керамика, мермер, стакло, дрво, поцинкуван челик и алуминиум
• Подолгото време за работа овозможува нанесување на големи делови и делови со сложена геометрија, како и корекција на положбата по спојувањето
• Тиксотропната маса се нанесува со рачен или пневматски пиштол и се стврднува под дејство на влагата од воздухот, без промена на волуменот
• Стврднатиот спој е отпорен на вода и атмосферски влијанија
• Може да се бруси и лакира; пред лакирање проверете ја компатибилноста на лакот на мала пробна површина
• Не содржи силикони, има слаб мирис и некорозивно дејство
Нанесете на цврста, чиста и сува површина, без прашина, масло и маснотии, со рачен или пневматски пиштол. Не нанесувајте на битуменски подлоги, природна гума, EPDM, PE, HDPE, тефлон или материјали што испуштаат масла, пластификатори или растворувачи.