Motordiht, 100g

Својства и начин на делување:

Термопластична заптивна маса на база на растворувач и епоксидни смоли за заптивање на груби прирабници, која силно прилепува. Може да пополни процепи до макс. 2 mm. Погодна за примена на различни материјали како метал, стакло и керамика. Стврднатиот заптивен слој останува еластичен и отпорен на вибрации, дури и при високи температури до +280°C. Постојана е на притисок до 700 бари, па погодна е за примена кај компресори и водови под висок притисок. Стврднува под дејство на температура. Може да се примени за премачкување на крути  компресиони заптивки. Има одлична отппорност на моторни и хидраулични масла и масла за менувачи, погонски горива, течности за кочници, разладни течности, вода, алкохоли, гасови итн. Комплетниот список за постојаност на хемикалии е достапен на барање.

Боја: Црвена

Време на формирање кора: 5 - 7 min

Фуннкционална цврстина: после 20 min на 70°C

Конечнна цврстина: после 24 h на 70°C

Притисна/влечна цврстина (DIN 54452): 1 до 3 N/mm2

Температурен опсег на примена: -50°C до +280°C

Примена:

Монтажа - Заптивање

Упатство за употреба:

Работна температура: од +5°C до +35°C

1.  Пред употреба на средството, површините кои се заптиваат за прв пат  не мора да бидат потполно чисти и одмастени или ако се работи за повторно заптивање со истото средство, не е потребно да се отстранува претходниот слој, туку доволно е да нанесете нов слој преку стариот. Во секој случај, зa да постигнете подобри резултати на прилепување и заптивање, пожелно е површините претходно да ги исчистите и одмастите.

2.  Нанесете ја заптивната маса само на една од површините.

3.  Ако деловите кои се спојуваат се веќе загреани (+70°C до +100°C) спојувањето може да го направите веднаш по нанесување на масата. Ако работите на собна температура, тогаш почекајте растворувачот целосно да испари (5 до 10 минути), а потоа споjте ги деловите.

ПРЕДУПРЕДУВАЊЕ: При испарување на растворувачот во процесот на зацврстување, заптивната масата губи од својот волумен, па поради тоа потребно е да нанесете подебел слој за да ја добиете саканата дебелина на заптивниот филм. Да не се употребува како замена за крути компресиони заптивки помеѓу главата и блокот на моторот. Подолго делување може да предизвика нагризување на пластики: АBS, SAN, PVС, поликарбонат, полистирен и лакирани површини.